Fjölbreyttir fyrirlestrar
Stjórnmennt býður vinnustöðum og hópum upp á fjölbreytt úrval af fyrirlestrum um margvísleg málefni.
Hér að neðan eru dæmi um þau erindi sem eru í boði. Þetta er langt frá því að vera tæmandi listi og við hvetjum þig til að hafa samband við starfsmenn StjórnMenntar ef þú hefur áhuga á fyrirlestri um annað efni en þau sem eru hér að neðan.
Hér er að finna lista yfir sérfræðinga HR og þeirra fagsvið.
Smelltu hér til að senda inn fyrirspurn um erindi
Að taka góða ákvörðun
Markmið áhættustjórnunar er ekki að útrýma áhættu enda er það ekki hægt. Áhættuna má á hinn bóginn skilgreina og meta til líkinda og verðs. Flókna og margslungna ákvörðun má brjóta upp í þætti og einfalda uns ljóst er í hvaða átt helstu rök hníga. Um langa hríð hefur hér á landi hver umdeilda ákvörðunin rekið aðra. Örfá dæmi eru stuðningur við stríðið í Írak, Kárahnjúkavirkjun og fleiri virkjanir, lög um fjölmiðla, eftirlaunafrumvarp stjórnmálamanna, ákvörðun um að hefja hvalveiðar á ný, sala ríkisfyrirtækja, Reykjavik Energy Invest málið að ógleymdu ýmsum stjórnmálatengdum ákvörðunum í Reykjavík. Hefðu sumar þeirra ákvarðana reynst betur hefðu þær stuðst við þær aðferðir sem greint er frá í þessu námskeiði? Svarið er já Líkindareikningur og normaldreifingin eru grundvallaratriði og tungumál áhættustjórnunar upp að vissu marki. Líkindareikningur segir okkur til dæmis hvernig á að meta það sem á eftir að gerast á grundvelli þess sem liðið er og tölfræðileg staðalfrávik eru notuð til að stærðarmeta áhættuna. Einnig munum við velta fyrir okkur hvernig þættir í eðli okkar geta mótað afstöðu okkar og bjagað ákvarðanir sem við tökum.
Fyrirlesari: Þórður Víkingur Friðgeirsson, HR
Alþjóðleg orkusamkeppni, hagkerfi, mismunandi menningar, laga- og stjórnkerfi ríkja með tilliti til orku- og loftlagsmála
Fjallað er um orkumarkað og orkuverð, samkeppni, fákeppni eða einokun á mismunandi orkumörkuðum. Fjallað er um mikilvægi orku í alþjóðastjórnmálum og samskiptum ríkja. Lögð er áhersla á að skoða orkustefnu einstakra ríkja og kvótakerfi Evrópusambandsins.
Fyrirlesari: Kristján Vigfússon, MA í stjórnmálafræði, MBA og aðjúnkt við viðskiptadeild Háskólans í Reykjavík
Alþjóðaviðskipti
Til umfjöllunar er umhverfi og þróun heimsviðskipta, hnattvæðing viðskipta, fræðilegar kenningar um alþjóðleg viðskipti, pólitísk mótun viðskiptastefnu og viðskiptaumhverfis. Málin verða einnig skoðuð út frá sjónarhóli fyrirtækjanna sjálfra þar sem farið verður í ávinning og áhættur erlendrar starfsemi, mögulegar leiðir við alþjóðavæðingu fyrirtækja, skipulag alþjóðlegs rekstrar, alþjóðlegt samstarf og fjölþjóðleg stjórnun.
Fyrirlesari: Kristján Vigfússon, MBA og MA, aðjúnkt við viðskiptadeild HR
Alþjóðahagfræði og alþjóðafjármál
Að lýsa áhrifum alþjóðaviðskipta með vörur, þjónustu og fjármagn milli landa og kynna nemendum helstu kenningar alþjóðhagfræðinnar um alþjóðaviðskipti og alþjóðafjármál. Í þessu námskeiði eru m.a. til umfjöllunar: Hagur af erlendum viðskiptum útflutningur, innflutningur og viðskiptakjör, hagvöxtur og tekjuskipting, útflutningsstyrkir og innflutningshömlur, flutningur vinnuafls og fjármagns milli landa. Námskeiðinu er að auki ætlað að vera upplýsingagjafi fyrir nemendur um ýmsar fjármálalegar hliðar alþjóðaviðskipta í nútímaumhverfi.
Fyrirlesari: Baldur Thorlacius, MSc, hagfræðingur hjá Nasdaq OMX á Íslandi og stundarkennari við viðskiptadeild HR.
Atferlisfjármál
Fjallað verður um þá grundvallarþætti atferlisfjármála og sálfræðilega þætti sem hafa áhrif á hegðun og ákvarðanir fjárfesta og annarra sem láta sig fjármálamarkaði varða. Lögð er áhersla á að nemendur öðlist hagnýtan skilning á framangreindu og auki hæfni sína á þessu sviði sem nýtist t.d. í störfum á fjármálamarkaði og/eða við fjárfestingarráðgjöf.
Fyrirlesari: Loftur Ólafsson, HR
Auðlinda- og umhverfishagfræði
Fjallað er um efnahagsleg áhrif mannsins á náttúruna og áhrif náttúrunnar á athafnir mannsins. Ennfremur um þá staðreynd að auðlindir jarðar eru takmarkaðar og hvernig er hægt að stjórna nýtingu þeirra með sjálbærni og hagkvæmni í huga. Skoðað er hvernig hagfræðin metur náttúruauðlindir og nýtingu þeirra. Hugtök eru skilgreind og skoðuð líkt og almannagæði, náttúrurleg einokun, ytri áhrif, fórnunarkostnaður, markaðsbrestir, ríkisbrestir, farþegavandamál ofl.
Fyrirlesari: Kristján Vigfússon, MA í stjórnmálafræði, MBA og aðjúnkt við viðskiptadeild Háskólans í Reykjavík
Borgríkisþróun suðvesturhornsins: munu 80% landsmanna búa í Faxaborg árið 2015?
Um 2/3 hlutar landsmanna búa nú á hinum eiginlega höfuðborgarsvæði, en ef svæðið um eða innan klukkustundar aksturstíma frá Reykjavík er athugað búa nú þegar á því sævði 75% landsmanna og sú tala verður að öllum líkindum orðin 80% innan nokkurra ára. Þýðir þetta að „gamla“ byggðastefnan sé úrelt? Hvernig gæti „ný“ byggðastefna litið út? Er það kannski frekar borgarstefna?
Fyrirlesari: Jón Rúnar Sveinsson (Phil.Lic), fræðimaður hjá Reykjavíkur Akademíunni.
Er eitthvað á minnið að treysta?
Hvernig fara þjóðir að því að muna? Rætt verður um þróun minnisins og hversu líklegir einstaklingar og hópar hafa verið til þess að taka minningar sem góðar og gildar. Hvernig munum við fyrri tíð; einstaklingar, hópar og samfélagið í heild?
Fyrirlesari: Sigurður Gylfi Magnússon (Ph.D), fræðimaður hjá Reykjavíkur Akademíunni.
Er eitthvað á Evrópusambandinu að græða?
Í gegnum EES-samninginn og Schengen-landamærasamstarfið er Ísland virkur þátttakandi í samstarfi Evrópuríkja. Samstarfið er ekki síst mikilvægt á sviði atvinnu- og efnahagslífs. Aukin umsvið íslenskra fyrirtækja á evrópskum mörkuðum verður til þess að mikilvægt er fyrir fólk í íslensku atvinnulífi að þekkja til Evrópusamstarfsins. Í fyrirlestrinum eru helstu þættir í starfsemi Evrópusambandsins greindir og tengsl Íslands við Evrópusambandið skýrt út á einfaldan og aðgengilegan máta. Hver er munurinn á EES og ESB? Mun vöruverð lækka við aðild að ESB? Fyllast fiskimiðin að spænskum togurum? Mun Ísland hafa einhver áhrif innan stofnana ESB? Er aðildargjaldið ekki rándýrt? Er eitthvað á ESB að græða?
Fyrirlesari: Eiríkur Bergmann Einarsson, fræðimaður hjá Reykjavíkur Akademínunni.
Flutningafræði
Þróun flutningafræðinnar (“logistics”). Helstu hugtök í flutningum. Tengsl við m.a. markaðsmál, þjónustu, útvegun, tækniþróun, starfsmannastjórnun, umhverfi fyrirtækja og samkeppnisaðila. Þjónusta við viðskiptavini. Dreifingaleiðir og tíðni flutninga. Reglubundnir og óreglubundnir flutningar. Hafnir, flutningsmiðlanir og frísvæði. Áætlanagerð í flutningarekstri.
Fyrirlesari: Óstaðfest.
Fjármál
Fjármálafræði og -stjórnun verða kynnt fyrir þátttakendum auk þýðingar þeirra fyrir heimili og einstaklinga. Skoðað verður samband á milli ávöxtunar og áhættu. Farið verður í tímagildi peninga og núvirðingu fjárstreymis. Ákvarðanir einstaklinga um fjárfestingu verða athugaðar sem og fjármögnun húsnæðiskaupa og stærri verkefna heimilanna og grunnatriði fjárhagsáætlanagerðar.
Fyrirlesari: Almar Guðmundsson, HR
Framtíðarsmiðja
Framtíðarsmiðja er aðferð sem þýski félagsfræðingurinn Robert Jungk mótaði á 6. Áratugnum. Hann leitaði að aðferð til að auka virkni almennings í ákvörðunartöku, aðferð sem nýtir bæði skynsemi og tilfinningar til að þróa nýjar hugmyndir. Síðan hefur aðferðin þróast og aðlagast ólíkum aðstæðum og hefur náð mikilli útbreiðslu, ekki síst í Þýskalandi, Bretlandi og Skandinavíu. Framtíðarsmiðja er aðferð fyrir hópa til að koma af stað breytingum í málum sem þeim finnst aðkallandi. Aðferðin vekur hugmyndir og eflir framsýni innan hópsins og gerir þátttakendur meðvitaða um möguleika sína til að hafa áhrif. Árangur góðrar smiðju er sameiginlegur byrjunarreitur fyrir framkvæmdir og leiðir venjulega fljótt til athafna sem er í samræmi við framtíðarsýn sme þátttakendur hafa komið sér saman um.
Fyrirlesari: Björg Árnadóttir (M.Ed), fræðimaður hjá Reykjavíkur Akademíunni.
Gildi gilda í lífi og starfi
Fjallað er um mikilvægi lífsgilda. Fyrirtækjamenning á sér djúpar rætur og skilningur á henni er lykilatriði þegar fyrirtæki standa frammi fyrir breytingum. Rætt er um fyrirtækjamenningu og áhrif hennar á hegðun bæði einstaklinga og hópa innan fyrirtækisins. Fjallað verður um gildi fyrirtæka sme tæki til að móta og styrkja fyrirtækjamenningu og kynntar aðferðir til að festa réttu gildin í sessi með markvissum hætti í gegnum samstarf og stjórnun á vinnustaðnum.
Fyrirlesari: Guðrún Högnadóttir (MHA), framkvæmdastjóri Opna háskólans í HR
Greinaskrif
Fyrirlestur með þátttöku nemenda um hvernig hægt er að koma skoðun sinni á framfæri í rituðu máli. Hvernig nær maður tökumá og afmarkar það sem maður vill segja, hvenig eru blaðagreinar byggðar upp, hvað eru málsnið og markhópur, hvernig eru samskipti við fjölmiðla um birtingu greina?
Fyrirlesari: Björg Árnadóttir (M.Ed), fræðimaður hjá Reykjavíkur Akademíunni.
Hagfræði
Markmið fyrirlestursins er að kynna þátttakendum grundvallaratriði þjóðhagfræðinnar. Fjallað verður um þá þætti sem hafa áhrif á hagvöxt, verðbólgu, atvinnuleysi, vexti og gengi. Kynnt verða helstu hugtök þjóðhagfræðinnar, t.d. landsframleiðsla, viðskiptajöfnuður og raungengi.
Fyrirlesari: Katrín Ólafsdóttir, lector við HR
Hamingjan
Fjallað er um hvað gerir fólk hamingjusamt og hvernig við upplífum hamingju á misjafnan hátt. Fjallað er um tengsl hamingju og ýmissa annarra þátta svo sem fjármála. Örnámskeiðið byggir á vinnu Tal Ben-Shahar og bók hans „Happier“
Fyrirlesari: Ásdís Olsen
Karlar og karlmennska
Hvenig hefur staða karla breyst síðustu áratugi? Eru þeir tegund í útrýmingarhættu? Er „karlmennska“ í upplausn?
Fyrirlesari: Ingólfur V. Gíslason (Ph.D), fræðimaður hjá Reykjavíkur Akademínunni.
Orkufræði, endurnýtanlegir orkugjafar, tækniþróun og nýsköpun
Fjallað er um grundvallarhugtök orkufræða; eðli orkuauðlinda, kosti þeirra og galla. Þá er litið til þess hvaða mögulega þróun geti átt sér stað, og hvernig mismunandi valkostir geti hentað misvel fyrir mismunandi aðstæður.
Fyrirlesari: Ágúst Valfells, P.hd í kjarnorkuverkfræði og lektor og sviðstjóri véla- og rafmagnssviðs tækni- og verkfræðideildar Háskólans í Reykjavík.
Ráð við reiði og kvíða
Fræðsla um hvernig taka má á áfalli sem fylgir uppsögnum og breyttum efnahag fjölskyldunnar. Mikilvægt er að fara í gegn um ferli reiði og vonbrigða, skapa farveg fyrir útrás og auðvelda fólki að ná viðspyrnu á ný.
Fyrirlesari: Auður Arna Arnardóttir, lektor við HR
Samkeppnishæfni og útrás
Útrás og alþjóðavæðing koma við sögu flestra stærstu fyrirtækja á Íslandi. Því er skilningur á stefnumótun og vaxtarmöguleikar og á hverju þessir þættir byggjast mikilvægur stjórnendum fyrirtækja. Í námskeiðinu verður farið í forsendur í stefnumótunarvinnu að útrás. Vaxtamöguleikar fyrirtækja m.t.t. samruna og yfirtaka eru skoðaðir. Samkeppnislögum verða gerð skil og hvaða hindranir kunna að vera í veginum. Metum samkeppnishæfi og möguleika í alþjóðavæðingu hjá íslenskum fyrirtækjum.
Fyrirlesari: Jón Snorri Snorrason, stundakennari við Háskólann í Reykjavík
Skapandi skrif
Fyrirlestur með þátttöku nemenda um ritunarferlið. Hvers vegna langar okkur að skrifa, hvað er erfitt við að skrifa, hvernig fær maður hugmyndir, hvernig nær maður tökum á hugmyndum og kemur þeim á blað, hvað eru ferliskrif, hvernig getur námskeið í ritun hjálpað við að byrja að skrifa?
Fyrirlesari: Björg Árnadóttir (M.Ed), fræðimaður hjá Reykjavíkur Akademíunni.
Stígum ölduna saman
Hvaða lærdóm getum við dregið af reynslu sjöfalds meistara Tour de France hjólreiðakeppninnar, pólfara sem ekki komst á áfangastað, móður fyrsta hvíta barnsins sem fæddist í Ameríku, metsöluhöfundar og prófessors við Harvard háskólans og Íslendinga?
Lærum af ferðum Armstrong, Shakelton, Guðríðar, Covey og ykkar.
Rýnt verður í reynslubanka meistaranna og kynnt einföld forskrift að árangri í lífi og starfi.
Fyrirlesari: Guðrún Högnadóttir, framkvæmdastjóri Opna háskólans í HR
Stjórnun aðfangakeðjunnar (supply chain management)
Yfirlit yfir sögulega þróun í vörustjórnunarfræðum og helstu strauma og stefnur á því sviði. Vörustjórnun og stefnumótun. Innri og ytri vörustjórnun frá áætlunum og innkaupum til vöruhúsastjórnunar og dreifingar. Úthýsing/útvistun, 3PL/4PL, order postponement, mass customization.
Fyrirlesari: Hlynur Stefánsson (Ph.D), lector og sviðstjóri fjármála- og rekstrarsviðs við verk- og tæknifræðideild HR
Traust
Í umróti undafarinna mánaða hefur traust nánast gufað upp í þjóðfélaginu á Íslandi. Traust til stjórnvalda, stofnanna, ráðamanna, fyrirtækja og einstaklinga hefur rýrnað hratt. Nauðsynlegt er fyrir VIS í þessari stöðu að byggja hratt og markvisst aftur upp traust helstu hagsmunaaðila. Sögulega hefur traust verið flokkað með „mjúku málunum“ í fyrirtækjarekstri en nýlegar rannsóknir sýna svo ekki verður um villst að traust hefur beina fylgni við framleiðni og hagnað fyrirtækja. Í bók sinni „The Speed of Trust“ segir Stephen M. R. Covey: „The serious practical impact of the economics of trust ist that ... we are paying a hidden low-trust tax right off the top – and we don´t even know it!“
Franklin Covey vinnustofan „Working at the Speed of Trust“ miðað að því að hjálpa þátttakendum að:
- Auka eigin áreiðanleika
- Auka traust í samskiptum við samstarfsaðila og viðskiptavini
- Sýna hegðun sem eykur traust
- Skapa umhverfi trausts með það að markmiði að efla sköpun, frumkvæði og skuldbiningu starfsmanna við að ná sameiginlegum árangri.
Fyrirlesari: Kristinn Tryggvi Gunnarsson, ráðgjafi
Utanríkismál Íslands
Fyrir um hundrað árum og fram á miðja síðustu öld var Ísland eitt fátækasta land Evrópu. En síðan breyttist allt: Seinni heimsstyrjöldin færði landsmönnum fljóttekinn gróða og svipað gerðist í kalda stríðinu. Þjónusta við herlið, hagkvæmur aðgangur að fiskmörkuðum og lán, styrkir og gjafir bættu efnahagslífið. Hins vegar vöknuðu áleitnar spurningar um hin erlendu áhrif; hversu mikil þau skyldu vera, að hve miklu leyti Íslendingar ættu að tengjast umheiminum og á hvaða forsendum. Þetta sýndi sig til dæmis í viðhorfi ráðamanna og almennings til stóriðju, Evrópusamruna og útfærslu fiskveiðilögsögunnar. Síðustu tvo áratugi hafa samskipti Íslands við umheiminn svo tekið stakkaskiptum, einkum vegna inngöngu landsins í Evrópska efnahagssvæðið, brotthvarfs Bandaríkjahers og síaukinna umsvifa íslenskra fyrirtækja í útlöndum. Ísland er nú eitt efnaðasta ríki heimsins, þótt það sé eitt hið fámennasta, og þessi gerbylting á innan við öld gefur tilefni til ýmissa spurninga sem leitast verður við að svara í fyrirlestrinum
Fyrirlesari : Guðni Thorlacius Jóhannesson
Vörustjórnun
Farið í gegnum þá þætti sem snúa að innkaupum, stjórnun birgða. Skipulag framleiðslu og þeir þættir sem snúa að flutningum og dreifingu. Staðarval, útvistun, skipulagning og innrétting lagerhúsnæðis, flutningatækni, og búnaður í vörugeymslum. Kostnaðargreining og arðsemi. Nemendur öðlist skilning og færni til að takast á við algeng viðfangsefni á sviði vörustjórnunar. Tekur á þáttum er varða flæði íhluta, vöru og upplýsinga í fyrirtæki.
Fyrirlesari: Hlynur Stefánsson (Ph.D), lector og sviðstjóri fjármála- og rekstrarsviðs við verk- og tæknifræðideild HR
Veður- og vistfræði með áherslu á loftlagsbreytingar
Fjallað er um loftslag jarðar og loftslagsbreytingar. Hringrásir kolefnis sem og orkuferlar andrúmslofts og heimshafanna. Bakgrunnur gróðurhúsaáhrifa af mannavöldum og áhrif þeirra á náttúru og samfélagsgerð með hjálp sviðsmynda. Aðkoma Sþ. (IPCC), loftslagsspár, rök og mótrök.
Fyrirlesari: Einar Sveinbjörnsson veðurfræðingur
Nánari upplýsingar veitir starfsfólk StjórnMenntar:
Sími: 599 6200
Netfang: stjornmennt@opnihaskolinn.is
