Skipulag náms

Lengd náms á frumgreinasviði fer eftir undirbúningi nýnema. Fullt nám á frumgreinasviði er 21 eining á 1. önn og 24 einingar á 2., 3. og 4. önn.  Nám á 2., 3. og 4. önn er er lánshæft hjá LÍN samkvæmt úthlutunarreglum LÍN, kafli 1.2.2. um sérnám á Íslandi.

Námið fer að mestu fram í dagskóla, sjá staðarnám, en 1. önn er í fjarnámi .

Hver námsáfangi er þrjár einingar og hver önn er 15 vikur auk prófa. Allir áfangarnir eru kenndir bæði á haust- og vorönn. Námsgreinar á frumgreinasviði eru tilgreindar hér í töflunni fyrir neðan.   Nemendur sem ljúka fullu námi á frumgreinasviði útskrifast með frumgreinapróf sem veitir réttindi til áframhaldandi náms á háskólastigi m.a. tæknifræði og verkfræði.

Nám á frumgreinasviði er hagnýtt og krefjandi og hentar vel metnaðarfullum einstaklingum. Kennarar á frumgreinasviði leggja metnað sinn í að veita nemendum fyrsta flokks menntun. Margir þeirra hafa starfað við Frumgreinadeild Tækniháskóla Íslands en námið byggir á traustum grunni þeirrar deildar og hefur verið í boði sem sértækt undirbúningsnám fyrir háskólanám frá 1964.