Opni háskólinn í samstarfi við tækni- og verkfræðideild Háskólans í Reykjavík

Opni háskólinn í Háskólanum í Reykjavík og tækni- og verkfræðideild Háskólans í Reykjavík bjóða uppá námskeið á meistararstigi sem henta vel þeim sem vilja safna einingum í meistaragráðu.

Opni háskólinn sér um innritun nemenda í stök námskeið á meistarastigi en tækni- og verkfræðideild sér um faglega stjórnun námskeiðanna. Umsækjendur þurfa að skila inn prófskírteinum þegar sótt er um námskeið. Nemendur sem innritast í námskeiðið í gegnum Opna háskólann sitja sömu námskeið og þeir nemendur sem eru skráðir í meistaranám í tækni- og verkfræðideild HR og þurfa því að uppfylla sömu inngönguskilyrði.

Umsækjendur hafa val um að sitja námskeiðið án eininga og taka þá ekki þátt í verkefnavinnu og þreyta próf. Þeir nemendur sem fullnægja kröfum um námsmat fá einingar metnar.

Námskeiðslýsing

Helstu kenningar í skipulagsfræðum um samfélagsmótun, form byggðar og ferli skipulagsgerðar. Stjórnkerfi skipulagsmála, s.s. tegundir skipulagsáætlana, ábyrgð og forræði skipulagsmála og skipulagsferli. Viðfangsefni og aðferðir við greiningu og mótun skipulagsákvarðana. Samspil landnotkunar- og umferðarskipulags.

Hæfniviðmið

Stefnt er að því að nemendur:

·       Þekki til helstu strauma og stefna í skipulagsfræðum.

·       Þekki uppbyggingu skipulagskerfisins, s.s. helstu tegundir skipulagsáætlana, skipulagsyfirvöld og skipulagsferli.

·       Þekki til inntaks, eðlis og helstu viðfangsefna skipulagsgerðar og tileinki sér grunnþekkingu í greiningu viðfangsefna
         og vinnslu skipulagsstillinga.

·       Þekki til umræðu, álitamála og ólíkra leiða við samþættingu landnotkunarskipulags og samgönguskipulags.

Námsmat

Skriflegt próf auk verkefna.

Kennsluaðferðir

Fyrirlestrar, umræður, verkefnavinna og vinnustofa. 

Námskeiðið er kennt á íslensku og ensku.

Lesefni         

Tilkynnt síðar.

Kennarar

Ásdís Hlökk Theodórsdóttir, aðjúnkt.

Salvör Jónsdóttir, stundakennari.

Tim Richardsson, gestaprófessor.

Dagsetningar

Kennt í 14 vikur. Kennsla hefst 24.ágúst og lýkur 23.nóvember.

Námskeiðið er á dagskrá þriðjudaga kl.10:20-12:45 og fimmtudaga kl.11:10-12:45.

Frávik frá því eru að kennt er allan daginn þriðjudaginn 31. ágúst og þriðjudaginn 23. nóvember og falla fimmtudagstímar niður í þeim vikum.

Verð

Verð kr. 174.000 kr.-

*Umsóknarfrestur er til 20. ágúst 2010

Inntökuskilyrði

Inntökuskilyrði er bakkalár-próf í verkfræði, tæknifræði eða öðrum fagsviðum, s.s. arkitektúr, byggingafræði, landfræði eða umhverfisfræði.

Nánari upplýsingar og skráning

Bryndís Bjarnadóttir
Þjónustufulltrúi hjá Opna háskólanum
bryndisb@ru.is 599-6387begin_of_the_skype_highlightingend_of_the_skype_highlighting