Næstu námskeið
Þjónustuframkoma
Viðskiptavinir gera sífellt meiri kröfur og eru mun meðvitaðri um þjónustu og gæði en áður. Mikilvægt er því fyrir starfsmenn að geta greint þarfir viðskiptavinarins og vita hvernig þjónustu þeir þarfnast.
Starfsmenn þurfa að miða þjónustuna að þörfum viðskiptavinarins með hag hans að leiðarljósi. Fjallað er um mikilvægi þess að geta brugðið upp skýrri mynd af væntingum viðskiptavinarins og tryggt gott samband við viðskiptavininn svo hann komi aftur. Lykilatriði í þjónustu eru m.a. hæfni, kurteisi, trúverðugleiki, viðbrögð, áreiðanleiki og skilningur.
Starfsfólk í þjónustustörfum er ímynd fyrirtækisins og fólk persónugerir fyrirtækið út frá því. Því er mikilvægt að sýna virðingu fyrir viðskiptavininum og niðurlægja hann aldrei. Mikils virði er að vera jákvæður gagnvart viðskiptavininum, hvort
sem það er í síma eða augliti til auglits.
